د کټرينا توپان له بلهاريانو سره مرسته وکړئ!

مونږ ټول پوهېږو چې امريکا له پېړيو، پېړيو راهيسې په نړۍ کې د مهاجرو او کډوالو لپاره يو د امن ځاى دى. يوازنى توپير دا دى چې څوک مخکې راغلي او څوک وروسته. د ډېرو کډوالو د رالېږدېدنې يو سبب د هغوى په هېوادونو کې طبيعي پېښې يا د انسان په لاس جوړې شخړې وې، او ډېرو کډوالو موندلي چې امريکا د استوګنې لپاره يوه د امن جونګړه او خلک يې سوله خوښي خلک دي. 

امريکا دستاينې وړ ده چې اوس په کې ډېرى کډوال په امن سره ژوند تېروي، خپلې کورنۍ او خپل هېواد (د امريکا متحده ايالتونه) جوړوي، او دا چې خپل لومړى، دويم، درېيم او نور نسلونه د امريکايانو په بڼه لري.   

د طبيعي او د انسان په لاس جوړو پېښو پر وخت ژوند سخت وي. کله چې خواړه، اوبه، د اضافي اوبو د تخليې سيسټم او سرپناه کمزوري وي، ژوند به په بل ډول اوړي. مرسته يوازنى شى دى چې له دغه ډول حالتونو څخه د راوتلو لپاره ورته تاسو اړتيا لرئ. دغه سبب دى چې د ډېرو کډوالو لوى هدف دا وي څو ځانونه دکډوالو کمپ ته ورسوي. 

کټرينا توپان د امريکا په تاريخ کې يو له ډېرو بدو طبيعي پېښو څخه ګڼل کېږي. د دغه توپان له لاسه په زرګونو خلک بې کوره شول، په سلګونو خلک ووژل شول، په ميليونونو کورونه وران شول او يو ښار په کې له منځه ولاړ. اوس کوچنيان، مشران، زمونږ ورونه او خويندې چې د لويسيانا، ميسي سيپي او الاباما په ايالتونو کې اوسېږي، ستاسو مرستې ته اړتيا لري. اوس په ميليونونو امريکايان د کډوالو په توګه ژوند تېروي.

 زمونږ په اند اوس داسې وخت راغلى چې مونږ هغه پور چې پوروړي يې يو، بېرته ورکړو. که تاسو د کډوالو په کمپ کې وخت تېر کړى وي او امريکا ته رالېږدېدلي يئ، مونږ فکر کوو چې دا ښه وخت دى چې خپل ملاتړ وښيئ. په دې کې ټول هغه خلک شامل دي چې له يوې يا بلې لارې څخه امريکا ته رالېږدېدلي دي. په امريکا کې هېڅ څوک له کډوال\کډوالې څخه د کډوالۍ د ژوند په هکله ښه نه پوهېږي. ستاسو هڅې به خلکو ته داسې الهام ور وبخښي چې غښتلي پاتې شي او خپل ژوند جوړ کړي. ستاسو لږه مرسته او ملاتړ به د ډېرو خلکو ژوند وژغوري. 

له بل هر وخت څخه اوس دې ته ډېره اړتيا ده چې خپل د کډوالۍ ژوند مو درياد کړئ. 

مونږ د متحده ايالتونو په ټولو ښارونو کې د کټرينا توپان بلهاريانو ته د مرستې ټولولو تابيه نيسو. هيله ده چې که چېرې تاسو يا ستاسو اداره غواړي چې د مرستندويه هڅو د ترسره کولو د دغې لړۍ يوه کړۍ شي، مونږ په ځان خبر کړي. 

مونږ داسې يو وېب سايټ جوړ کړى چې خلک کولى شي اعلانونه په کې خپاره کړي او پېښې، نظريې او کيسې په نړيواله کچه له نورو سره شريکې کړي. زمونږ د وېب سايټ پته www.refugeetorefugee.org ده، او دا مهال مونږ يوه بله وېب پاڼه http://www.ethiotrans.com/rtor کاروو. 

که د دغې پروژې په هکله پوښتنې لرئ، کولى شئ په rtor@ethiotrans.com  پته مونږ ته برېښناليک راولېږئ.

ډېره مننه

A  M